Xalqaro elektraloqa ittifoqi mutaxassislari axborot-kommunikatsiya texnologiyalari rivojlanishi bo‘yicha mamlakatlar reytingini tuzishdi. Jami 155 mamlakatni o‘z ichiga olgan bu ro‘yxat 11 yo‘nalish: internetga ulangan xonadonlar, keng polosali ulanishlar soni, aholining komputer savodxonligi… va hokazo mezonlarga asoslanib tuzilgan.

1.JANUBIY KOREYA: Mamlakat ikki yildan beri yetakchilik maqomiga ega. Osiyodagi internet foydalanuvchilarining 5 foizi shu mamlakatda yashaydi. So‘nggi 10 yilda internetga ulangan xonadonlar soni 39dan 83 foizgacha oshdi.

2.SHVETSIYA: Skandinaviyaning ushbu mamlakati hukumati axborot texnologiyalarini jamiyatning barcha jabhalariga tatbiq etishga zo‘r bermoqda. Shvedlar birinchilar qatori Elektron hukumat tizimidan foydalanishga o‘tishdi.

3.DANIYA: Mamlakat internetining 90 foizdan ortig‘ini keng polosali ulanish tashkil etadi. Daniyaliklarning yarmidan ko‘pi  Facebook a'zosi hisoblanadi.

• AKT

Mamlakatimizda  axborot-kommunikatsiya texnologiyalarini rivojlantirish  jarayoni izchil davom ettirib kelinmoqda. Eng avvalo, O‘zbekistonda mazkur sohani tartibga soluvchi mukammal qonunchilik bazasi yaratilganini alohida ta'kidlash joiz.

Shu bilan birga, bugun dunyoda shiddat bilan kechayotgan globallashuv sharoitida AKT sohasining keskin taraqqiy etib borishi kuzatilayotganligi, ilg‘or davlatlarning ushbu soha rivojiga alohida e'tibor qaratayotgani bejiz emas.

Darhaqiqat, hozirgi davrda AKT orqali uzatiladigan axborot jamiyat rivojining eng muhim shartlaridan biri bo‘lib qoldi. U ishlab chiqarish resursi, insonlar orasidagi aloqani ta'minlovchi qudratli vositaga aylandi. Shu bois, davlat hokimiyati va boshqaruvi organlari, umuman, jamiyatning axborot uzatish tezligi hamda sifatiga bo‘lgan talablari kun sayin ortib bormoqda.

• axborot texnologiyalari

Yoshlar uchun mo’ljallangan ijobiy mazmundagi eng yaxshi internet resurslarni yaratish, ko’paytirish, mavjudlarini aniqlash va rag’batlantirish, veb-resurslarni yaratuvchilar diqqat e’tiborini internet texnologiyalaridan mas’uliyatli, axborot madaniyati talablari doirasida hamda xavfsiz foydalanish muammosini hal etish, internetning yoshlar uchun mo’ljallangan segmentini kengaytirish va rivojlantirish maqsadida O’zbekiston Respublikasi Xalq ta’limi vazirligi, Oliy va o’rta maxsus ta’lim vazirligi, Aloqa,axborotlashtirish va telekommunikatsiya texnologiyalari davlar qo’mitasi, Madaniyat va sport ishlari vazirligi, “Kamolot” yoshlar ijtimoiy harakati Markaziy Kengashi, Manbuot va axborot agentligi, O’zbekiston Fanlar akademiyasi, Badiiy akademiyasi, “O’zbekturizm” Milliy kompaniyasi, “Tasviriy oyina” ijodiy uyushmasi, Respublika Ma’naviyat targ’ibot markazi, Milliy g’oya va mafkura ilmiy-amaliy markazi, O’zbekiston Elektron ommaviy axborot vositalari Milliy assotsiyasi, Milliy axborot agentligi va O’zbekiston Milliy teleradiokompaniyasi hamkorligida “MIT.uz” Milliy Internet Tanlovi tashkil etildi.

• Tanlov

Ҳазрати Исо тоғ томонга шошилганча кетарди. Бир киши бу ҳолни кўриб:

—Нима бўлди, ё Исо! Ортингдан сени ким қувлаяпти? Кимдан қочяпсан?—деди.

Ҳазрати Исо у одамга жавоб бермади. У одам:

—Ё Руҳуллоҳ! Аллоҳ ҳақи, бир оз тур! Бунча шошилишнинг ҳикмати нима?—дейиши билан Исо алайҳиссалом:

—Бир ахмоқдан қочяпман. Ўзимни у билан суҳбатлашишдан қутқаряпман. Кет, мени тўхтатма!—деди.

У одам:

—Ё Набиуллоҳ! Сен ўша Масиҳ эмасмисанки, сенинг дуоинг билан қанча кўрларнинг кўзи очилди? Қанча майитлар тирилди. Хасталар шифо топди—деди.

Исо алайҳиссалом:

—Ҳа, мен ўша Масиҳман,—деди.

• ҳикматлар хазинаси

Гулрухсора ҳунарга жуда эрта меҳр қўйган. Ҳали тетапоя кезлариданоқ бувиси ва онасининг ёнидан жилмас, улар қунт билан тикаётган зардўзлик буюмларига болаларча ҳайрат билан тикилар, қўлига қалам тутиб, гуллар расмини чизарди. Шундай кезларда Сайёра хола "Қараб турларинг, шу набирамдан зўр ҳунарманд чиқади", дерди ишонч билан.

Яхши сўзга фаришталар ҳам омин дер экан. Буни қарангки, Бухоронинг олд зардўзларидан саналган Сайёра аянинг айтганлари бирин-кетин амалга ошаяпти. Гулрухсора бувисидан зардўзлик, онаси Дилором Рўзиевадан патдўзлик сир–асрорларини ўрганяпти. Ҳунарни жуда нозик ҳис этадиган отаси Фахриддин аканинг ўгитларига амал қилмоқда. Изланяпти. Мавзуни кўҳна Бухоронинг қадимий обидаларидан, андазани воҳанинг бетакрор табиатидан олишга одатланмоқда.

• Бухоро зардўзи

Болалигимда Александр Дюманинг «Асканио» романини ўқигандим. Ўшанда ёзувчи бутун Италия ва Францияда обрўйи шоҳдан-да устун турган буюк ҳайкалтарош ва кулолсоз уста Бенвенетто Челлини сиймоси ва унинг санъати даражасига кўтарилган, мушкул, аммо қизиқарли ишини шу қадар моҳирлик билан тасвирлаганди-ки, беихтиёр қалбимда бу касбга чексиз меҳр уйғонганди. Ҳайкалтарош бўлишни орзу қилганим — антиқа тилакларимдан бири эди. Ҳар гал эски шаҳар майдонидан ўтиб келаётганимда моҳирлик билан ишланган митти ҳайкалчалар сайёҳлар сингари менинг ҳам эътиборимдан четда қолмасди. Уларга қараб туриб орзуим ёдимга тушарди.

Юзида беғуборлик акс этган қариялар давраси, гўзал қиз қомати, қора кўзлар, қайрилма киприклар ва қалдирғоч қанотини эслатувчи камон қошлари юзига ярашган ўзбек аёли тимсолига айланган чиройли ҳайкалчаларни ким ясаганлигига қизиқа бошлайсиз. Ана шу қизиқиш сабаб, Нодир Девонбеги хонақосида жойлашган «Олтин мерос» жамғармасига бордим. Чеккадаги кичкинагина ҳужра ёнида бутун диққат-эътиборини бир парча лойга қаратиб унга шакл бераётган ёшгина қизнинг қизиқарли ишини бир муддат кузатдим. У мени мутлақо сезмасди. Ўз дунёсида гўё у ва ана шу ҳайкалчалари бор эди, холос. Жамғарма раиси Зулайҳо Каримова бу қизнинг исми шарифини — Майрам Наш­ванова(суратда, акаси Азамат билан) кулоллар оиласининг кенжа вакили, деб таништирди. «Меҳр нури» жамғармасининг "Қўли гулдир ўзбек аёлин" кўрик-танлови ғолиби, «Асрлар садоси» фестивали ҳамда кўпгина халқаро кўргазмалар иштирокчиси бўлган бу қиз ўз ишини чексиз меҳр ва ҳайрат билан бажараётганини мамнунлик акс этган қиёфасидан сезиш қийин эмасди. Ҳайкалчаларнинг яратилиш жараёни, уларнинг юзидаги нуқталар қандай маънони англатишини Майрам француз тилида қийналмай сўзлаганининг гувоҳи бўлдим. Унга ва қилаётган ишига ҳавасим келди. Сайёҳлар кетгач, Майрам билан суҳбатлашдик.

• ҳикоя

Нафосат Жўрабековага кўпчилик тенгқурлари ҳавас қилади. Негаки, бултур бу қиз ўқишга кириш учун бир ўринга саккиз-тўққиз киши даъвогар бўлган Бухоро вилояти Қоракўл туманидаги 3-сон академик лицейга имтиёзли асосда қабул қилинди. Нафосат тумандаги 52-ихтисослашган давлат умумтаълим мактабида ўқиркан, 2011 йилда ўтказилган «Билимлар синови» танловида инглиз тили фани бўйича вилоят босқичида биринчи, ўтган йили эса фан олимпиадасида рус тили йўналишида иккинчи ўринни эгаллагани боис ана шундай имкониятга эга бўлди.

Нафосат ўта зеҳнли, илм­га чанқоқлиги билан кўпчиликка ўрнак,—дейди академик-лицей адабиёт муаллимаси Дилфуза Хўжаева.—Дунёқараши, қизиқиш доираси кенг. Мусиқа ва спортга ҳам меҳр қўйган. Бадиий китобларни кўп ўқийди. Асарларни таҳлил ва тал­қин қила олади. Ўзи ҳам ижодкор.

Дарвоқе, у бадиий таржимонликда яхшигина қобилиятга эга экан. Нафосат рус ва инглиз халқ эртакларини ўзбекчага ўгирган. Унинг ижодкорлар эътиборини тортган машқлари «Беғубор олам» номи билан бултур нашр этилди.

• зулфия мукофоти

Мулоҳазаларимиз эҳтимол баъзи бир фаҳм-фаросати пўпанак босган бандаларга арзимасдек, эриш туюлиши, ҳатто айтаётганларимизни муболағага йўйиши ҳам мумкин. Очиқ қалб кўзи билан меҳмон юрган кўчалардан ўтган киши куюнчаклигимиз бежиз эмаслигига ишонч ҳосил қилади. Тасаввур этинг: ҳар ўн беш, йигирма машина рулидаги ёки шунча пиёда кашанданинг бир нафари сигарет қолдиғини йўлга улоқтириб кетаверса, писта пўчоғини «пуф»лаб ташлайверса. Энди сутка давомида қатнайдиган машинаю, ўтиб-қайтадиган пиёдаларни чамалаб кўринг! Истаган ҳайдовчи ёки пиёда ташлаб юборадиган қоғоз парчалари, елим идишлардаги чиқиндилар миқдорини хомаки ҳисоб-китоб қилинг. Шунда бу масалага бефарқ қараш, юмшоқ айтганда, виждонсизлик эканлиги, чор тарафда турли хил чиқиндилар тобора кўпайиб кетиши, уларни муттасил йиғиштириб туриш учун қанчалик кўп қўл кучи, техника воситалари тақозо этилиши, катта миқдорда маблағ сарфланиши, бу борада тартибга эришиш учун аҳоли ёппасига киришишига эришиш кераклиги теранроқ англанади. Ҳолбуки, ҳар бир фуқаро бу масалага бефарқ қарамаганида ободончиликни таъминлаш бирмунча машаққатсиз, нисбатан енгилроқ кечарди. Ахир чақаётган писта пўчоғини ҳар бир одамнинг ўзи чўнтагига ёки бир парча қоғозни «воронка» тахлит ўраб, солиб, кейин уйидаги чиқиндига ташлаши қийинми? Сигарет қолдиғини-чи?! Машина салонида ҳам кулдон шунчаки безак учун қўйилмаган-ку…

• Публицистика

Бухорога келган водийлик меҳмон мезбон дўстига етти иқлимга маълум ва машҳур шариф шаҳарни яёв айланиш, осори-атиқалари, қадимий ёдгорликларини кўриш истагини билдирди. Қадрдонлар йўлга тушдилар. Уларнинг нур ёғилиб турган чеҳралари, синчков нигоҳлари, ёшлари анчайин улуғлигидан сиртдан қараб ҳам кўпни кўрганликлари, зиёли эканликлари аён эди. Қариялар Арк қалъаси томошасидан бошлаб, «Шаҳристон» бозори, Калон масжиди, Мир-араб мадрасаси, Тоқлар орқали Санъат музейи ёнидан Тоқи Саррафонга етишди. Мезбон Истиқлол туфайли таъмирланиб, чирой очган тарихий обидалар, янгидан қад ростлаган кўркам бинолар, бетакрор манзараларга маҳлиёлигини баён этиш баробарида йўл-йўлакай ташланган сигарет қолдиқлари, писта пўчоқлари, баъзи бир бинолар пойдеворларининг кўчган жойлари, оёқ остидаги айрим шаклли тошларнинг синиқлари, нотекислигига кўзи тушиб, таассуф билан бош чайқаб қўяр, аммо, мезбон хижолат чекмаслиги учун бу тўғрида гапиришни эп кўрмасди.

Талабага ўхшаган йигит билан қиз эрмакка писта чаққанча пўчоғини «пуф»лаб ўзаро гап маънилаган кўйи қарияларнинг шундоқ ёнларидан ўтиб кетишди. Меҳмон кўнглидан шу асно беихтиёр «Бу қандоқ бўлди», деган таажжуб кечди. Шоҳруд ариғида елим идишлар, турли чиқиндилар бор эди. Ариқ бўйига кимдир тўрт-беш ҳовуч ўрик данаги пўчоғини ҳам ташлаб кетганди. Меҳмоннинг қарашида «Наҳотки, шариф шаҳар аҳли сув йўлини ҳам шу қадар булғашган», деган ифода зоҳир бўлди. Хуллас, Баҳоуддин Нақшбанд кўчаси бўйлаб «Вокзал» чорраҳасига етганларига қадар Шоҳруддаги манзара дастлаб кўрганларидан ҳам баттар ачинарли эди. Мезбон меҳмоннинг олдида уялгани, хижолат чекканидан ер ёрилса, киргулик эди.

• Публицистика

Кийим инсон шахсиятини акс эттирувчи ташқи омиллардан биридир. Бинобарин, баъзи бир ҳолларда тарбиянинг ноқислигидан кийим танлашдаги эътиборсизликни кўпчилик "ҳазм" қила олмаётир. Шуларни ўйлаб туриб, автобус бекатида содир бўлган бир воқеани эсладим.

Ўшанда мен каби бекатда бир аёл ва унинг ўғли ҳам автобусни кутишарди. Шу пайт рўпарадан калта юбкада, ҳаво совуқ бўлишига қарамай, «мода кетидан қувиб» юпун кийинган бир қиз кела бошлади. Аёл унинг чеҳрасига эътибор қилмади. Фақат ўғлига ҳозирги қизларнинг ҳаддан ташқари очиқ кийиниши, ота-оналарнинг бунга бепарволигидан ўпкаланиб гапирди. Гоҳи-гоҳида менга қараб, гапини тасдиқлатиб оларди.

Дарҳақиқат, чиндан-да, аёл ҳақ! Бир неча сониядан сўнг қиз бекатга етиб келди. У тасодифан она-ўғил томонга қараган эди: таниш чеҳралардан юзи ёришди. Қизнинг аёлга «холажон», йигитга қарата «акажон» тарзидаги мурожаати ва самимий салом-алигидан улар бегона эмас, балки қариндош экани аён бўлди.

• мулоҳаза

Бузургмеҳрдан сўрадилар:

—Нега сен қўлингдан кетган нарсага хафа бўлмайсан ва қўлингга келган нарсадан шодланмайсан?

У деди:

—Қўлдан кетган нарсани хафагарчилик билан топиб бўлмайди, азиз умрни эса мол-дунё шодлиги билан беҳуда ўтказиб бўлмайди. Шундай экан, нега энди фойдасиз нарса учун ғам чекай, менга бир умр вафо қилмайдиган нарса билан қувонай?

• ҳикоят

Фақир, соддадил бир одамнинг яхши қўчқори бор эди. Қўчқорининг бўйнига арқон боғлаб етаклаб кетаётган эди. Айёр ўғри унинг изига тушди ва арқонни кесиб, қўчқорни олиб кетди. Қуруқ арқонни судраётган одам орқасига қаради, қўчқори йўқ. Қайғуриб "Қўчқорим қаерда?" дея тўрт томонга югура бошлади.

Кечгача югурди, чарчади, қўчқор эса йўқ. Қидираверди. Қудуқ бошидаги бир одамнинг: «Эй, воҳ», деб бақириб чақираётганини кўрди. Ёнига яқинлашди.

—Тинчликми дўстим, сенинг ҳам қўчқоринг йўқолдими? Нега бақириб-чақиряпсан?

Бу кимса қўчқор ўғриси эди. Бошини эгди:

—Сўрама, укам. Шунча йилдан буён йиққан юз олтиним бор эди. Уни бир халтачага қўйган эдим. Шу қудуқ тепасига келдим. Эгилиб ичига бир қарай дедим. Олтин халтачам қўйнимдан сир¬ғалиб қудуққа тушиб кетди. Сенинг қўлингда арқон бор. Ечиниб, қудуққа тушиб, халтачамни топсанг, сенга олтиннинг бешдан бирини бераман…

• ҳикоят

Oramizda iqtidorli insonlar juda ko‘p. Kimdir qo‘shiq kuylashda tengsiz, kimdir sportning qaysidir turida mukammal, kimdir esa sizu bizga oddiy tuyulgan narsalardan san’at asari yaratib bera oladi.

Sizga havola etmoqchi bo‘lgan suratlarimizda ham xuddi shunday iqtidorli insonlar o‘z qo‘llari yordamida san’at asari yaratishgan. Biroq buning boshqa rassomlar ishidan farqi shundaki, ularning barchasi qo‘l yordamida aynan qo‘lning o‘zida turli obrazlar ko‘rsatib berilgan.

• qo'llar

Ўзбекистон халқ артисти Рихсивой Авазов 26 февраль куни вафот этди. Ўзбек миллий академик драма театри актёри 71 ёшда эди. Театр вакилларининг "Kun.uz" нашрига берган маълумотга кўра, актёр инфарктни бошдан кечирган эди.

Ўзбек Миллий академик драма театри маълумотларига кўра, Рихсивой Авазов 1942 йил Жанубий Қозоғистоннинг Турбат қишлоғида туғилган бўлиб, 1965 йилда, Тошкент театр ва рассомчилик санъати институтини тамомлаганидан сўнг, Ҳамза номидаги Ўзбек Давлат (ҳозирги Ўзбек Милилй) академик драма театрига актёр сифатида ишга қабул қилинган.

Театрдаги фаолияти давомида Рихсивой Авазов «Мирзо Улуғбек», «Олтин девор», «Нел минораси», «Абу Райҳон Беруний», «Қароқчилар», «Қор маликаси», «Уйланиш», «Антигона», «Қиёмат қарз», «Абдулла Қодирийнинг ўтган кунлари», «Юлдузли тунлар», «Қутлуғ қон», «Нексия» ва бошқа қатор спектаклларда турли табиатдаги кўплаб ролларни маҳорат билан ижро этган.

• актёр
• рихсивой авазов

“Истиқлол” санъат саройида “Марди майдон!” жонли ижродаги қўшиқлар фестивали совриндорлари ва таниқли санъаткорлар иштирокида “Дилларда Ватан мадҳи” деб номланган концерт ўтказилди.

Концерт “Ўзбекнаво” эстрада бирлашмаси томонидан “Ўзбекистон маданияти ва санъати форуми” жамғармаси билан ҳамкорликда ташкил этилди.

Президентимиз Ислом Каримов раҳнамолигида мамлакатимизда мусиқа санъатини янада равнақ топтириш, юксак савияли, бадиий етук мусиқа асарларини яратиш орқали ёшларнинг маънавиятини юксалтириш масаласига алоҳида эътибор қаратилмоқда. 2011 йилдан буён ўтказиб келинаётган “Марди майдон!” жонли ижродаги қўшиқлар фестивали мазмун-моҳияти билан ана шундай эзгу мақсадларга хизмат қилмоқда.

• Марди майдон фестивали

Наманган вилоятининг Тўрақўрғон туманида Ўзбекистон Маданият ва спорт ишлари вазирлиги ҳамда От спорти федерацияси ҳамкорлигида ташкил этилган улоқ-кўпкари бўйича Ўзбекистон чемпионати якунланди. Ушбу чемпионатда юртимизнинг кучли саккиз жамоаси ўзаро куч синашди дея хабар берилмоқда Ўзбекистон Миллий ахборот агентлиги сайтида.

“Наманган-1” жамоаси ва Андижон вилояти чавандозлари финалга чиқди.

Финалда “Наманган-1” жамоаси ва Андижон вилояти вакиллари ўртасидаги кураш 7:4 ҳисобида наманганликлар фойдасига ҳал бўлди. “Наманган-1” жамоаси Ўзбекистон чемпиони бўлди. Андижонлик чавандозларга кумуш, Фарғона ва Тошкент вилояти терма жамоаларига бронза медаль топширилди.

Мусобақа доирасида янги қоидалар асосида янги турнир – улоқ-кўпкари миллий халқ ўйини бўйича Ўзбекистон I чемпионати ўтказилди. Унда минг нафардан зиёд чавандоз иштирок этди. Тўрақўрғонлик чавандоз Карим Махсумбеков ғолиб, деб топилди. Иккинчи ўрин мезбонлар вакили Ҳусниддин Ғаффоровга насиб этган бўлса, Тошкент вилояти вакили Рустам Қурбоналиев ва тўрақўрғонлик Ботир Махсумов бронза медаль билан тақдирланди.

Қуёшнинг илиқ нурлари остида она табиат уйғониб, илк яшил куртаклар ниш ураётган баҳорнинг дастлабки кунларида Мустақиллик майдони пойтахтимиздаги энг гўзал масканлардан бирига айланади. Тошкентнинг сўлим гўшаларидан бўлган ушбу майдон мамлакатимиз аҳолиси учун ғоят қадрлидир. 8 март – Халқаро хотин-қизлар байрами арафасида хотин-қиз ҳарбий хизматчилар ҳурриятимиз, порлоқ истиқболимиз ва эзгу ниятларимиз рамзи – Мустақиллик ва эзгулик монументи пойига гуллар қўйди.

Ўзбекистон Миллий ахборот агентлиги – ЎзА мухбири ушбу тадбир иштирокчилари – мамлакатимиз тинчлиги ва осойишталигини ҳимоя қилишга ўз умрини бағишлаган аёллар билан суҳбатлашди.

• 8-март
• байрам

Butun dunyoga mashhur Angry Birds (Jahldor qushlar) o‘yini voqealari va qahramonlari asosida yangi multserial ishlanmoqda. Ma'lumotlarga qaraganda ushbu multserialning ilk namoyishi joriy yilning 16-17 mart kunlari bo‘lib o‘tishi kutilmoqda.

Multserial voqealari asosan “Piggy Island” (Cho‘chqachalar oroli) deb nomlangan orolda bo‘lib o‘tadi.

Mobil qurilmalar uchun mo‘ljallangan Angry Birds o‘yini shunchalik mashhur bo‘lib ketganki, hatto millionlab odamlar aynan shu o‘yinni bir marotaba o‘ynab ko‘rish uchun o‘zlariga smartfon yoki planshet sotib olishgan ekan. Keyinchalik, o‘yinning brauzer versiyasi ham yaratilgan.

22-fevral kuni soat 7:38 da O‘zbekistonning sharqi, xususan, Toshkentda zilzila kuzatildi. "Kun.uz" internet-nashri “Toshkent” seysmostansiyasidan olgan ma’lumotga ko‘ra, zilzila magnitudasi (kuchi) 4—4,5ga teng bo‘lgan.

Qozog‘iston milliy ma’lumotlar markazining xabar berishicha, zilzila O‘zbekiston-Qozog‘iston chegarasida sodir bo‘lgan.

Yevropa-O‘rtayer dengizi seysmologiya markazi ma’lumotiga ko‘ra, zilzila markazi Toshkent shahridan 13 kilometr g‘arbda joylashgan.

Xitoyda aholi soni oshib borgani sayin «tirikchilik»ning turli yo‘llari orqali oila boqishga harakat qilishmoqda. Xitoy aholisining ko‘pchiligi ham vaqtni ham kuchni sarflash orqali oson yo‘llarni izlashmoqda. Sizga quyida taqdim etadigan fotolavhalarimizda Xitoy shaharlaridagi aqlbovar qilmas darajadagi yuk tashish holatlarini ko‘rishingiz mumkin.

• yuk tashuvchilar