"Ўзбекистон маданияти ва санъати форуми" жам­ғармасининг халқ анъаналари ва урф-одатлари, амалий санъати, юртимиз оғзаки ва номоддий меросини эъзозлаш ҳамда уларни асраб-авайлаш, кенг тарғиб этиш мақсадида «ЮНЕСКО»нинг мамлакатимиздаги ваколатхонаси ҳамкорлигида Навоий вилояти Сармишсой дарасида ўтказадиган анъанавий «Асрлар садо»си маданият фестивалининг ўзига хос жиҳати бор.

Мазкур ноёб лойиҳа дастури доирасида ислом маънавияти хазинасига муносиб ҳисса қўшган машҳур аллома аждодимиз Баҳоуддин Нақшбанд меъморий ёдгорлиги мажмуасида қатор тадбирларни ўтказиш кўзда тутилган. Чунончи, «Меҳр нури» жамғармаси бу ерда ҳазратнинг ­волидаи муҳтарамаси Биби Орифанинг реконструкция қилинган хазираси очилиш маросимини ўтказади. Шунингдек, ёдгорлик мажмуида "Ўзбекистон маданияти ва санъати форуми" жамғармаси ташаббуси билан яратилган "Ўзбекистон обидаларидаги битиклар" туркумига кирувчи олтита китоб тақдимоти ва халқаро конференция ташкил этилади.

• асрлар садоси-2013

Zamonaviy axborot va komputer texnologiyalarini iqtisodiyot tarmoqlar, ayniqsa, bank, moliya va tijorat tuzilmalari faoliyatida keng miqyosda joriy etish O‘zbekiston Respublikasi Prezidentining 2012 yil 21 martdagi «Zamonaviy axborot-kommunikatsiya texnologiyalarini yanada kengroq joriy qilish chora-tadbirlari to‘g‘risida»gi qarori, 2012 yil 16 iyuldagi «Statistik, soliq, moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari to‘g‘risida»gi hamda 2012 yil 18 iyuldagi «Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari  to‘g‘risida»gi Farmonlarida asosiy yo‘nalishlar sifatida belgilab berilgan.

Ushbu normativ hujjatlarda plastik kartalar va boshqa elektron to‘lovlar vositalari orqali internetda tovar va xizmatlarga to‘lov imkoniyatlarini rivojlantirish uchun dasturiy-texnik infratuzilmani takomillashtirish hamda tijorat faoliyati va tadbirkorlikda zamonaviy axborot-kommunikatsiya texnologiyalarini yanada rivojlantirish maqsadida rag‘batlantirishni ta'minlashga qaratilgan chora-tadbirlar ham o‘z aksini topgan.

• elektron to'lov

Prezidentimiz Islom Karimov tashabbusi bilan o‘tkazib kelinayotgan an’anaviy Respublika innovatsion g‘oyalar, texnologiyalar va loyihalar yarmarkasi ilm-fan va ishlab chiqarish integratsiyasini mustahkamlashda muhim omil bo‘lmoqda. Davlatimiz rahbarining 2008-yil 15-iyulda qabul qilingan “Innovatsion loyihalar va texnologiyalarni ishlab chiqarishga tatbiq etishni rag‘batlantirish borasidagi qo‘shimcha chora-tadbirlar to‘g‘risida”gi qarori bunda muhim dasturilamal bo‘layotir.

O‘zbekiston Fanlar akademiyasining akademik O.Sodiqov nomidagi Bioorganik kimyo instituti ham mazkur yarmarkada har yili yangi ilmiy loyihalari bilan faol ishtirok etmoqda. Institutda biokimyo, fiziologiya va biofizika yo‘nalishlarida olib borilayotgan ilmiy tadqiqotlar biologik faol moddalarning kimyoviy tuzilishini aniqlash bilan birga, ularning ta’sir mexanizmlarini chuqur o‘rganish imkonini bermoqda.

– Bu yil yarmarkada mamlakatimiz iqtisodiyoti, qishloq xo‘jaligi, sog‘liqni saqlash va oziq-ovqat tarmoqlarini rivojlantirishga qaratilgan o‘ttizdan ziyod loyiha bilan ishtirok etamiz, – deydi Bioorganik kimyo instituti direktori, kimyo fanlari doktori, professor Abbosxon To‘rayev. – Mahalliy sharoitga mos sovun, yelim, emulsiya qorishmalari, oziq-ovqat mahsulotlarining xavfsizligini aniqlashga doir testlar, hayvonot va o‘simliklardan samarali dori vositalarini yaratish texnologiyalarini takomillashtirish kabi innovatsion yechim va ishlanmalar shular jumlasidandir.

• Yarmarka

Toshkent shahrida joriy yilning 24-26- aprel kunlari bo‘lib o‘tadigan VI Innovatsion g‘oyalar, texnologiyalar va loyihalar respublika yarmarkasida Farg‘ona viloyatidagi oliy o‘quv yurtlari va ilmiy-tadqiqot muassasalari tomonidan o‘ttizdan ortiq noyob qurilma va loyiha namoyish etiladi.

Prezidentimiz Islom Karimov rahnamoligida innovatsion g‘oya va loyihalarni har tomonlama qo‘llab-quvvatlash va ulardan samarali foydalanish yuzasidan keng ko‘lamli ishlar amalga oshirilmoqda. Davlatimiz rahbarining 2008-yil 15-iyulda qabul qilingan “Innovatsion loyihalar va texnologiyalarni ishlab chiqarishga tatbiq etishni rag‘batlantirish borasidagi qo‘shimcha chora-tadbirlar to‘g‘risida”gi qarori mamlakatimizda ishlab chiqarishni barqaror rivojlantirish va raqobatbardoshligini oshirish, innovatsion mahsulotlarning ichki va tashqi bozorga chiqishini ta’minlash, ishlab chiqarishga ilg‘or loyiha va ishlanmalarni amaliyotda qo‘llashda muhim ahamiyat kasb etmoqda.

• Yarmarka

Орамизда ўзини тадбиркорликда синаб кў­ришни истамайдиганлар кам топилса керак. Ахир, ким ҳам яхши фойдадан юз ўгирарди? Аммо "Ҳолва деган билан оғиз чучимас". Ҳалол даромад орттириш учун эса аввало аниқ мақсад, тинимсиз ҳаракат ва шунга яраша оқилона тадбир зарур. Мана, бир неча йилдирки, деҳ­қончилик орқасидан барака топиб келаётган Исомиддин Сатторовни олайлик.

Бухоро вилояти Вобкент туманининг «Халач» қишлоқ фуқаролар йиғини ҳудудида, жами 90 гектар ер майдонида пахта ва ғалла етиштириб, ҳар йили давлат шарт­нома режаларини ортиғи билан уддалаб келаётган фермер қўли остидаги меҳнат жамоаси имкониятларини чамалаган ҳолда янги ишга қўл урди. Дастлаб туман ҳокимлигига бориб, ўз таклиф-­режасини баён этди. Қишлоғи қуйисидан ўтган захкаш яқинида балиқчилик билан шуғулланмоқчи эканини билдирди. Ташаббуси қўллаб-қувватлангач, астойдил ишга киришди. Бир гектардан ошиқроқ шўр ерни текислаб, обод қилди. Захкаш бўйига сув насоси ўрнатиб, каттагина ҳавзани рисоладагидай кўринишга келтирди. Қарабсизки, «Сатторов Ортиқ бобо» фермер хўжалигида янги тармоқ очилди. Жорий йил январь ойида «Бухоробалиқ» ҳиссадорлик жамияти билан шартнома имзолаган фермер ҳавзага 7 минг дона балиқ чавоғини қўйиб юборди.

• балиқчилик

Мамлакатимиз Президенти Ислом Каримов ташаббуси билан Тошкентда ташкил этилган «Замонавий уй-жойлар қурилиши—қишлоқларни комплекс ривожлантириш ва қиёфасини ўзгартириш ҳамда аҳоли ҳаётининг сифатини яхшилаш омили» мавзуига бағишланган халқ­аро конференция қатнашчиларининг катта гуруҳи—20 дан ортиқ давлат вакиллари 16 апрель куни вилоятимизга ташриф буюрдилар. Уларни «Бухоро» халқаро аэропортида вилоят ҳокими вазифасини бажарувчи Муҳиддин Эсанов кутиб олди.

Хорижликлар дастлаб Юрт­бошимиз раҳнамолигида бунёд этилган Маданий марказдаги «Кўҳна ва боқий Бухоро» монументини томоша қилдилар.

Улар замонавий ва миллий меъморчилик анъаналари асосида барпо этилган вилоят драма театрининг янги биносига таклиф қилиндилар. Санъаткорлар меҳмонлар эътиборига «Майсаранинг иши» спектаклидан парча ҳавола этишди.

Бухоро дунёга ўзининг кўп асрлик тарихга эга қадимий меъморий обидалари билан маш­ҳур. Албатта, меҳмонларда уларга нисбатан қизиқиш катта эди. Хорижликлар халқимизнинг бетакрор архитектура санъати ўз ифодасини топган Исмоил Сомоний мақбараси, Минораи Калон, Масжиди Калон, Лаби ҳовуз ёдгорликлари, тоқлари билан танишар эканлар, ҳайратларини яшира олмадилар.

• бунёдкорлик

Shu yilning 4-aprel kuni Facebook ijtimoiy tarmog‘ida Samsung Mobile Uzbekistan rasmiy sahifasi paydo bo‘ldi. Kompaniya ushbu munosabat bilan ijtimoiy tarmoqda ajoyib tanlov uyushtirmoqda.

Tanlov g‘olibiga Samsung kompaniyasining eng zamonaviy – Galaxy S4 smartfoni sovg‘a qilinadi!

Tanlov shartlari: Facebook’dagi Samsung Mobile Uzbekistan sahifasi a’zolari soni 4000 ga yetadigan sana hamda 4000-Like egasining jinsini bashorat qilish. Tanlov roppa-rosa 1 oy, ya’ni 11-apreldan 11-maygacha davom etadi. Aynan shu kuni O‘zbekistonda Samsung Galaxy S4 smartfonining rasmiy taqdimoti bo‘lib o‘tadi.

Tanlov g‘olibi deb quyidagi odam topiladi:

1. 4000-Like bosiladigan aniq sanani hamda o‘sha odamning jinsini to‘g‘ri topgan.

2. Agarda to‘g‘ri javob topilmaydigan bo‘lsa, u holda kimning javobi natijaga eng yaqin kelsa (bunda, birinchi navbatda sana e’tiborga olinadi) o‘sha g‘olib deb topiladi.

Bitta foydalanuvchi faqatgina bir marta javob variantini berishi mumkin. Bittadan ortiq javob yozgan foydalanuvchilar tanlovdan chetlashtiriladi!

Imkoniyatni qo‘ldan boy bermang!

Kim o‘ylabdi deysiz, bugungi kunda dunyodagi eng ko‘p tarqalgan Android mobil operatsion tizimi dastlab kameralar uchun yaratilgan ekana. Hozirda u nafaqat smartfon va planshetlarni, balki televizorlar, muzlatgichlar, o‘yin pristavkalarini ham egallashga ulgurdi. Taqdir taqozosi bilan esa kameralargacha ham yetib kelishga ulgurdi, ya'ni oddiy emas “aqlli” kameralarga.

Ma’lumotlarga qaraganda 2004-yildayoq Android bazasida ishlovchi kameraning namunasi tayyor bo‘lgan. Biroq, Androidni ishlab chiqayotgan jamoaga rahbarlik qilgan Endi Rubin (Andy Rubin) kelajakda kameralarga bo‘lgan qiziqish pasayishini oldindan his qilib, rejalarni telefonlar tomon burib yuborgan. Bu paytda iPhone degan smartfonlar hali yo‘q edi. Android jamoasini ko‘proq Microsoft va Symbian bezovta qilar edi.

Android OS hozirda axborot-ko‘ngilochar tizimlarga ham o‘rnatilmoqda. Kia va Volvo yaqinda o‘zining avtomobillariga shunday tizimlarni o‘rnatib chiqaradi. Hattokiy kelajakda Android OS da ishlovchi o‘z-o‘zini boshqaradigan avtomobil ham paydo bo‘lishi mumkin.

… Баҳоуддин Нақшбанд зиёратгоҳида ёши саксон-саксон беш атрофида бўлган бир онахон эътиборимизни тортди. У фарзандлари қуршовида оҳиста қадам ташларкан, «Шу кунларга етказганига шукр» деб қўяр, жигаргўшаларига ҳазрат Баҳоуддиннинг одамларни ҳалол меҳнатга, ўзаро меҳр-оқибатли, ҳушёр бўлишга даъват этувчи сўзларини эслатарди. Онахонни суҳбатга тортдик.

—Хоразмликмиз, ўғлим,—дея сўз бошлади Ёқутхон момо Қаландарова.—Ҳар йили шу қадамжони бир зиёрат қилиб кетмасам кўнглим жойига тушмайди. Бу ердаги ободончилик ишларини кўриб хурсанд бўламан. Руҳим енгил тортади. Билсангиз, бу табаррук масканнинг оҳанрабоси бор. Мен бундан ўттиз-ўттиз беш йил муқаддам ҳам бу гўшани зиёрат этгани келардим. Қадамжонинг ўша пайтдаги аҳволидан сўз очсам, ишонмайсиз. Қабр­ларни қамишу юлғун босган, масжиду хонақолар нураб қолган эди. Йўлларни айт­майсизми? Хоразмдан Бухорога минг бир машаққат билан келганларим ёдимда. Энди йўллар кенг, равон. Ўғлимнинг «Нексия»сида худди қўшни қишлоққа боргандек бир пасда етиб келдик. Ҳозир юртдошларимиз учун Бухоро тугул, Самарқанду Тошкент бир қадам бўлиб қолди. Зиёратгоҳнинг йил сайин обод гўшага айланиб бораётганини кўриб, «Илоҳим, мустақиллигимизга кўз тегмасин, Юртбошимиз омон бўлсин», дейман.

• тарихий қадамжолар

“Асрлар садоси” анъанавий маданият фестивали халқимизнинг миллий анъаналари ва қадриятлари, амалий санъати, миллий тамолари, ноёб моддий ва номоддий меросининг барча жилоларини ўзида жамлаган йирик лойиҳадир. Фестиваль ҳар йили ўлкамизнинг тарихи мингйилликларга менгзагувчи жойларини қайта кашф этади, қадимий манзараларни кўз ўнгимизда қайта жонлантиради. Лойиҳанинг хорижий ва маҳаллий аҳоли ўртасида катта қизиқиш уйғотаётгани, янада кўпрок меҳмон ва иштирокчиларни жалб этаётганининг сири ҳам ана шунда. 4-5 май кунлари Навоий вилоятида қулоч ёзувчи фестивалга бевосита гувоҳ бўлишни истаганлар — У ерга қандай борса бўлади? У ёки бу тадбирда қандай иштирок этиш мумкин? — сингари кўплаб саволлар билан мурожаат этишмоқда. Қуйида шундай саволларга жавоб берамиз.

• Асрлар садоси

Ўзбекистон хукумати қарори билан мамлакатимизда Миллий умумтаълим электрон кутубхона яратиш бўйича ишлар бошлаб юборилди, бу хақда 12.uz ахборот порталига асосланиб Darakchi.uz сайти хабар берди. Ушбу мақсадда Жанубий Корея ривожланиш иқтисодий ҳамкорлик Жамғармасининг 400 минг АҚШ доллари маблағларини жалб қилиш кўзда тутилган. Мазкур лойиҳани амалга ошириш жавобгарлиги алоқа, ахборотлаштириш ва телекоммуникацион технолигиялари Давлат қўмитаси ҳамда Ўзбекистон Миллий кутубхонаси зиммасига юкланди.

Айни дамда Алишер Навоий Ўзбекистон Миллий кутбхонаси мутахассислари томонидан 6,5 млн дона нашрни ўз ичига олган кутубхона фондини рақамлаштириш ишлари бошлаб юборилган.Маълумотларга қараганда, мазкур технология кутубхонанинг ID-картасига эга ўқувчиларга республиканинг истлган нуқтасидан кутубхона фонди манбаларига кириш ва фойдаланиш имконини беради.

• электрон кутубхона

Инсоният пайдо бўлибдики, фарзанд тарбияси энг долзарб масалалардан бири бўлиб келмоқда. Ҳар қандай жамият, тузумда келажак авлод тарбияси, истиқболи бирламчи вазифалардан ҳисобланади.

 Керак бўлса айтиш жойизки, бу биологик инстинкт бўлиб, Аллоҳ томонидан барча яратилувчиларга тақдим этилган иноят ҳисобланади.

 Турли хил даврларда, кишилик жамиятларида фарзанд тарбиясига бўлган эътибор турли даражада бўлган. Қайси жамият ўз наслининг истиқболини ўйламас экан ана ўша жамият инқирозга учраши, парокандаликка юз тутишига тарих саҳифалари орқали кўп бора гувоҳи бўлганмиз.

 Бир неча юз йиллардан бери онгимизга сингиб борган ислом мафкураси таълимоти миллийлигимизга кўчиб, асрлар давомида шонли Мовароуннаҳрни дунёга танитиб келган. Ҳозирги кунда ҳам дунё тан олишда давом этаётган буюк аллома-ю, донишмандларимиз ана шу тарбия ва маънавий меърос туфайли шу даражага эришишганлиги ҳеч кимга сир эмас.

• фарзанд тарбияси

Маълумки, истиқлол берган неъматлар сирасига хорижий тилларни ўрганиш, чет элларга чиқиш ва хорижий юртларда ўша элнинг она тилида сўзлашиш имконияти ҳам киради. Мустақиллик йилларига келиб юртимизда хорижий тилларни ўрганишга эътибор кучайди. Бу саъй-ҳаракатлар самараси ўлароқ, ёшларимиз орасида чет элликлар билан мулоқот қила оладиганлар кўп. Аммо табиийки, хорижий тилларни ўрганиш борасида баъзи муаммолар ҳам йўқ эмас. Адабиётшунос Зуҳриддин Исомиддинов билан суҳбатимиз шу мавзуга бағишланади.

— Устоз, нима деб ўйлайсиз, ҳозирги кунга келиб тил ўрганувчиларнинг асосий мақсади бизнес қилиш, ўрганмоқчи бўлган хорижий тилида сўзлашадиган давлатлардаги ишбилармонлар билан мулоқот қилиш бўлиб қолмаяптими? Тил ўрганишдан асосий мақсад нима бўлиши керак ўзи?

• тил ўрганиш

Daryo.uz nashrining tarqatgan xabariga ko’ra Brazilyaning Rio-de-janeyro shahri yaqinidagi serqatnov yo‘llarning birida avtobus 10 metrlik balandlikdagi ko’prik ustidan pastga qulagan. Kutilmagan halokat natijasida 7 kishi halok bo‘lgan va 10 ga yaqin inson og‘ir tan jarohati olishgan.

Ma’lumotlarga qaraganda, avtobus o‘z yo‘nalishini kutilmaganda o‘zgartirib, ko‘prik to‘sig‘idan chiqib ketgan. Guvohlarning xabar berishicha, avtohalokat haydovchining yo‘lovchilardan biri bilan yo‘l haqi ustida tortishayotgan paytida yuzaga kelgan.  Voqea joyida tibbiyot xodimlari jarohatlanganlarga o‘z vaqtida tez yordam ko‘rsatishga harakat qilishgan.

БОШИ Юқорида келтирилган мисоллардаги синонимик шаклларнинг биринчиси ва иккинчиси (яъни содда ва мураккаблашган гап шакли) расмий ва илмий услубда, сўзлашув ва қисман бадиий услубда эса – қўшма гапдаги шаклнинг фақат эргаш гапи қўлланади.

Агар рус тилини чет тили сифатида ўргатишда ўқувчиларга барча синонимик вариантлар ўргатилмаса, улар тингланган нутқда мавжуд бўлиши мумкин бўлган вариантларни нотўғри тушуниши ёки тушунмаслиги билан бир қаторда, ўз фикрини ҳам вазиятга ва мақсадга мувофиқ равишда ифодалашга ўрганмайдилар.

Нутқдаги синонимик вариантларни ўргатиш учун эса дастур мавзулари семантик, яъни маъновий бўлиши, мавзу бўйича фикр ифодалаш учун эса турли тилларда бир-икки ёки ундан кўп грамматик шаклдаги муайян лексик бирликларни қўлланишини ўргатиш керак.

• чет тили

Ҳозирги кунда таълим соҳасида чет тилларни ўрганишга алоҳида аҳамият берилиши дунёга юзтутган, жаҳондаги барча мамлакатлар билан тенгҳуқуқли алоқа ўрнатган  юртимизда таълим соҳасида олиб борилаётган оқилона сиёсат занжирининг яна бир халқаси, бу сиёсатни амалга ошириш йўлида узоқни кўзлаб ташланган яна бир қадамдир.

Шундай экан, бу сиёсатни амалга ошириш билан боғлиқ бўлган, чет тилини мактабгача тарбия муассасаларидан бошлаб, олий ўқув юртларни, шу билан бирга чет тилини мустақил равишда ўрганувчиларни хам қамраб олган тизимда фаолият кўрсатадиган мутахассислар бу таълимда узлуксизликни таъминлаш учун тил ўргатиш услубияти (методикаси) борасида бир йўналишда қадам ташлаганлари маъқул. Чунки чет тилини ўрганиш учун ўргатилаётган тилни яхши билиш, унинг грамматикасини ҳам ўзлаштириб олганнинг ўзи етарли эмас, авваламбор уни турли тоифадаги ўқувчига ўргатиш методикасини ўзлаштириб олиши керак.

Методика деганда тил ўрганувчининг тил ўрганишга бўлган эҳтиёжи, ўрганиш мақсади, ёши, қизиқишлари, психологик хусусиятлари ва имкониятларини ҳисобга олиш хамда тил материалини танлаш ва бу материални ўзлаштириш, шунингдек ўзлаштирган материални амалиётда қўллай олишини таъминлаш омиллари тушунилади.

• чет тили

Tobora yangi-angi sohalarni zabt etayotgan 3D-printerlar oddiy foydalanuvchilar uchun ham keng imkoniyatlar tuhfa etishi mumkin.

Ehtimol printerda kiyim chiqarish mumkin deyilsa, fantastik filmlardagi voqealar esingizga tushar, biroq yana bir necha yillardan keyin bu haqiqatga aylansa-chi!

Mazkur qurilma sensor ekranli bo‘lib, devorga o‘rnatiladi. Printer ko‘pgina do‘konlar bilan bog‘langani uchun foydalanuvchi o‘zi uchun kerakli mahsulotni tanlashi va uning «chop etilishi»ni kutishi lozim. Darvoqe, printerda kiyim uchun qaysi turdagi matoni tanlash imkoni ham mavjud.

Agarda bu kiyimni kiyaverish joningizga tegsa, printer uni boshlang‘ich material (xom ashyo)ga aylantirib beradi. Kiyim chiqaruvchi printer g‘oyasi muallifi — dizaynchi Josh Xerris bo‘lib, o‘z orzusi kamida 2050-yillarga borib ushalishiga umid qilmoqda.

• axborot texnologiyalari

Boltiq dengizi katta jang maydoniga aylanib ketdi. Nemislar sohilbo‘yi rus  portlariga, jumladan, Rossiya imperiyasi poytaxti Sankt-Peterburgga tahdid solib turardi. Biroq Nikolay Essen qo‘l ostidagi Boltiq floti nemis eskadrasiga yaxshigina «sovg‘a» tayyorlab qo‘ydi — urushning ilk kunlaridan dengizga uch mingdan ziyod mina qo‘yib chiqildi. Shunga qaramasdan, 26 avgust kuni ikkita nemis kreyseri — «Augsburg» va «Magdeburg» hamda bir qancha yengil minonosetslar ruslarning hududiga yorib kirdi. Kreyserlar mina maydonlarini aniqlashi va ularni bartaraf etib, hujum uchun yo‘l ochadigan boshqa maxsus kemalarni chorlashi lozim edi.

Kapitan Xabenixtning mudhish xatosi

Harbiy amaliyot rahbari flagman (sarkor) kema — «Augsburg»da, kapitan Gustav Genrix Xabenixt esa «Magdeburg»ni boshqarardi.

Ruslarning ayyorona joylashtirilgan minalaridan eson-omon o‘tib olish uchun kemalar masofani saqlashi va «arra tishi» shaklida harakatlanishi talab etilardi. Quyuq tuman emasmi, «Magdeburg» flagmanni tezda ko‘zdan yo‘qotdi. Ko‘p o‘tmay esa Odensxolm oroli yaqinidagi xavfli nuqtaga kelib qoldi. Kapitan yo‘nalishni o‘zgartirishga shaylangan bir fursatda unga «Augsburg»dan olingan shifrlangan xabarni tutqazishdi. Maxfiy nomani o‘qigunlaricha kema harakatlanishda davom etdi, xabarda esa kemani ortga burish buyurilgan edi… Imkoniyat qo‘ldan boy berildi.

• XX asr
• radioo'yinlar

Ўзаро ахборот алмашинувини яхшилаш, иш фаолиятини бугунги кун талаблари асосида ташкил этишда касаба уюшмалари қуйи бўғини ҳисобланган бошланғич ташкилотлар фао­лия­тини жонлантириш, ходимлар ўртасида унинг мавқеини кўтариш асосий масала бўлиб, бу борада тизимни такомиллаштириш ва оптималлаштириш юзасидан амалий ишлар олиб бориляпти. Юқори ташкилотлар қуйи бўғинлардан талаб қилиб олаётган ахборотлар кўламининг кенгайиб бораётгани, ўрта бўғин касаба уюшмалари органлари ­томонидан турли маданий-оммавий, спорт ва бошқа тадбирларни ўтказишдаги такрорлашлар ҳолатлари учраб келаётган эди. Ўрта бўғин касаба уюшмалари органлари ўртасида электрон ҳужжат айирбошлаш тизимини, мазкур ходимларни сақлаб туриш билан боғлиқ сарф-харажатлар, шунинг­дек, касаба уюшмалари тузилмасини ташкил этиш соҳасидаги халқ­аро тажрибалар ўрганиб чиқилди. Жорий этилганига 30 йил бўлган айрим касаба уюшмалари ташкилотларининг ҳозирги тузилмалари бугунги кун талабларига тўлиқ жавоб бермаслиги, бу эса уларнинг фаолиятини ташкил этишда муаммоларни келтириб чиқараётганлиги амалда намоён бўлди.

• АКТ

Joriy yilning 13 mart kuni Chilida jahondagi eng yirik radioteleskop ishga tushdi.

Atacama Large Millimeter/Submillimeter Array (ALMA) nomini olgan ushbu ulkan inshoot, nomi ham dalolat berib turganidek, sayyoramizning eng quruq joyi — Atakama cho‘lida o‘rnatilgan bo‘lib, 66ta parabolik antennani birlashtirgan.

ALMA — Shimoliy Amerika, Yevropa va Osiyo mamlakatlarining qo‘shma loyihasi, uning qurilishiga 1,3 mlrd.dan ziyod mablag‘ sarflandi.

Koinotning eng olis puchmoqlaridagi jarayonlarni kuzatishga mo‘ljallangan bu inshootning quvvati, mualliflarning aytishicha, ayni paytgacha ishlab turgan istalgan radioteleskopdan 100 baravar yuqoridir.

Ayollar — Xitoy elektron tijorat bozorining asosiy xaridorlari. Mamlakat Elektron tijorat bozorini o‘rganish markazi ma'lumotlariga ko‘ra, aralash mollar do‘konlarida ularning hissasi 60 foizdan oshsa, parfumeriya do‘konlarida 90 foizgacha yetmoqda.

Statistika: 2012 yil yakunida Xitoyda internetdan foydalanuvchilar soni 564 mln.ga yetgandi. Internet orqali xaridni amalga oshirganlar esa o‘tgan yili 242 mln. nafarni tashkil etdi.

• AKT