Бугунги замон глобаллашуви жараёнида кимки ахборотга эгалик қилса, ўша дунёга ҳукм-ронлик қилади, деган ибора бежиз пайдо бўлгани йўқ. Дарҳақиқат, ҳозирги кунда ядро қуроли ишлаб чиқариш бўйича дунёда 20 га яқин давлатда ҳаракатлар давом этаётган бўлса, 120 га яқин мамлакат эса ахборот хуружларини уюштириш устида иш олиб бормоқда. Айниқса, маънавий таҳдидга, ёшлар онгини эгаллашга қаратилган ахборот хуружлари авж олса оляптики, асло пасаймаяпти. Баъзи бир ғаразли кучлар томонидан бу борада турли усул ва услублардан фойдаланиб келинмоқда. Айниқса, ахборот хуружларининг ёлғон ахборот тарқатиш, ижтимоий онгни манипуляция қилиш, миллий-маънавий қадриятларни емириш, менталитетга мутлақо ёт бўлган бегона қадриятларни тарғиб этиш, халқнинг тарихий хотирасини бузиш ва ўзгартириш, кибертерроризм каби турлари кенг тарқалмоқда. Ушбу масалалар бўйича Ўзбекистон Республикаси Олий Мажлиси Қонунчилик палатаси депутати Шуҳрат Деҳқонов билан суҳбатда бўлдик.

 

– Шуҳрат Бегмирзаевич, маълумки, бугунги ёш авлоднинг тўқсон фоизи асосий ахборот манбаи сифатида "ўргимчак тўри" деб ном олган интернет тармоғига мурожаат қилмоқда. Албатта, бу тармоқнинг қулай ахборот манбаи экани, истаган нарсангизни ундан бир зумда топа олишингиз мумкинлиги, сониялар ичида дунёнинг нариги чеккаси билан боғланиш имкония¬ти мавжудлиги муҳим омил. Шу билан бирга, замонавий ахборот-коммуникация технологияларининг бу чексиз инъомидан ўз ғаразли манфаатлари йўлида фойдаланувчилар сони ҳам ортиб бораётганидан кўз юма олмаймиз… Бу жараёнларга сиз қандай муносабат билдирасиз?

• ахборот хуружи

XXI asr axborot asri bo‘lish bilan birga, inson ongi va tafakkurini o‘zga g‘oyalar bilan zabt etish asri ekanligi ham aniq bo‘lib boryapti. Ma'lumki, axborot xurujining asosiy nishoni, ob'еkti yoshlar hisoblanadi. Ularning ko‘lami esa yildan-yilga sеzilarli darajada oshib borishi mutaxassislar tomonidan ko‘p e'tirof etilayotir.

 

Agar ilgari axborot xuruji asosan talaba yoshlarga qaratilgan bo‘lsa, endilikda maktab o‘quvchilari ham uning domiga tushib qolmoqda. Bu, ayniqsa, shahar maktablarida yaqqol ko‘zga tashlanadi. Axborot xurujini tashkil etuvchi va tarqatuvchi asosiy maydon – bu intеrnеt tarmog‘i ekanligi bugun hеch kimga sir emas. Tabiiyki, yoshlar katta avlodga nisbatan intеrnеt tarmog‘ining eng ko‘p foydalanuvchi qatlamidir. Zamonaviy jamiyatda esa asosiy tarmoq hisoblangan ushbu vositadan voz kеchish yoki uni umuman inkor etish mumkin emas.

 

Yoshlar turli rеklamalar va, ayniqsa, bir-birlariga bеvosita ta'sir o‘tkazish natijasida intеrnеt tarmog‘idan bеrilayotgan kundalik axborotlarga katta ehtiyoj sеzmoqdalar. Kutubxona hamda kitobxonlikka nisbatan bir nеcha marta arzon va qulay bo‘lgan intеrnеt tarmog‘i ular uchun axborotlar bilan ishlashning eng yaxshi makoni sanaladi. Ammo davomiy axborotlar bilan ishlash oqibatida, foydalanuvchi o‘zi sеzmagan holda axborot xurujiga tushib boradi. Sababi oddiy, ya'ni axborot istе'molchisi bo‘lgan har bir foydalanuvchida axborot bilan ishlash ko‘nikmasi maxsus shakllantirilmagan.

• axborot xuruji

Бундай вазиятда вайронкор ғоялар таъсирига тушиб қолмаслик учун нима қилиш керак? Турли хорижий сайтлардан тарқатилаётган медиаматнларга қандай муносабатда бўлиш керак? Бу борада Миллий ғоя ва мафкура илмий-амалий маркази тадқиқотлар олиб бормоқда. Хорижлик медиапедагоглар Гарт Джоветт ва Виктория Донеллар ҳам бизнинг тадқиқотларимиз кўрсаткичларига яқин натижаларни қўлга киритишган. Шу боис уларнинг хулосаларини ҳам эътироф этган ҳолда ҳар бир медиаматнни қуйидагича ғоявий таҳлил қилиш тавсия қилинади:

 

1. Тарғиботнинг мафкурасини аниқланг. Тарқатилаётган ҳар бир медиаматн асосида уни тарқатган шахс, гуруҳнинг қадриятлари, баҳолари, муносабатлари, меъёрий хулқ-атвори ётади. Бунда тарғибот аҳолининг қайси қатламини нишонга олганлиги(ёшларми, мулкдорларми, ё нафақахўрларми) аниқланади.  Тарғиботчи нимани яхши, тўғри ва нимани ёмон, нотўғри деб баҳолаётгани аниқланади.

 

2. Тарғибот контекстини таҳлил қилинг. Медиаматн тарқатилган кун, ойдаги вазият талқин қилинади. Маълумот қай шаклда, нималар, кимлар билан боғлаб берилмоқда? Ахборот тарқатувчи одамларнинг нима қилишини истамоқда?

 

3. Тарғиботчининг кимлигини аниқланг. Ўзини яширишга интилаётган маълумот муаллифи аслида ким? Бу ахборотнинг шундай қабул қилинишидан ким манфаатдор?

• Маънавият ва ахборот хуружларидан ҳимояланиш

Педагогикада “тарбия” тушунчаси кенг ва тор маънода қўлланиши мумкин.

 

Кенг маънода қўлланиш деганда – каттаавлод вакиллари ўзлар тўплаган ҳаётий тажрибаларини ёш авлодга қолдиришларини тушуниш мумкин.

 

Тор маънода қўлланиши деганда – махсустаълим муассасалари орқали шахсда аниқ билим, дунёқараш, ички хиссиётларини, умуман ҳаётга тайёргарлигини ривожлантириш тушунилади.

 

Бу муқаддас Ватанда инсон азиз бўлди. Азизланганлар эса азизлаганларни азизлайдилар.

 

Жаҳон бўйлаб болаларимиз эришаётган юксак марралар юксак маънавиятнинг енгилмас куч эканлигини тасдиқламоқда. Шу билан бирга “… Баъзи бир сиёсатчи ва назариётчиларнинг, олдин моддий ҳаётни, кейин маънавий масалаларни ўйлаш керак, деган мазмундаги фикрлари мутлақо хато бўлиб, янги жамият, янги ҳаёт қуриш жараёнида фақат зарар етказиши мумкинлигини бугун ҳаётнинг ўзи ҳар қадамда тасдиқлаб бермоқда”(“Юксак маънавият – енгилмас куч”).

• Маънавият ва ахборот хуружларидан ҳимояланиш

Биз мустақиллигимизни асраб-авайлаб, унинг қадрига етадиган, ўз билими ва меҳнати билан уни мустаҳкамлаб, мангулик пойдеворини яратадиган баркамол авлод тарбияси ҳақида қайғурар эканмиз, диққат марказимизда ҳамиша ана шундай соғлом дунёқарашга эга ёшларимиз камол топадиган маънавий муҳитни қарор топтириш муҳим вазифа бўлиб қолади.

 

Шахсни ўқувчилар жамоасида тарбиялаш ва шакллантириш-баркамол шахс тарбиясининг қоидасидир. Бола шахси фақат жамоадагина, унинг таъсиридагина ҳақиқий шахс сифатида шаклланади. Ҳозирги шароитда жамиятнинг ҳар бир аъзоси бирор бир педагогик жамоанинг фаол аъзоси бўлиши зарур.

 

Жамоа–деб, муайян ижтимоий мақсадбирлигига қаратилган уч ёки ундан ортиқ кишиларнинг бирлашмалари ёки тузилмаларига айтилади.

 

Демак, педагогик жамоа бу – таълим муассасасида фаолият юритаётган, ўқувчи-ёшларга таълим-тарбия беришни мақсад қилиб олган барча педагог- ўқитувчилар бирлиги.

• Маънавият ва ахборот хуружларидан ҳимояланиш

«Янги авлод» болалар ижодиёти фестивали Фонд Форумнинг энг оммавий ташаббусларидан бири ҳисобланади.

Фонд Форум матбуот хизмати хабарига кўра, фестивалда 6 ёшдан 14 ёшгача бўлган якка ижрочи ва ижодий жамоалар классик мусиқа, вокал, миллий чолғу асбоблари, рақслар, тасвирий санъат, шеърият, адабиёт ва театр сценарийси йўналишлари бўйича ўз қобилиятларини намойиш қилишлари мумкин. 

 

Жорий йилда Гулнора Каиримованинг ушбу муаллифлик лойиҳаси ўзининг ўн йиллигини нишонламоқда. Ўтган вақт дамомида «Янги авлод» болалар ижодиёти фестивалида Ўзбекистоннинг барча вилоятларидан бўлган жами 127 минг бола қатнашиб,  уларнинг 3361 нафари танлов ғолиблари бўлишди. Конкурс ғолиблари кейинчалик ҳам Фонд Форум кўмагида халқаро фестивалларда қатнашишлари мумкин.

• Янги авлод

Insoniyat vaqt bebaho boylik ekanini qadimdan e'tirof etib, uni juda qadrlashgan. U shunchalik tez o‘tib ketadiki, o‘tganini hatto payqamay ham qolasan, kishi. E'tiborlisi, kimdir uni samarali, foydali o‘tkazish hisobiga oilasiga, do‘st-birodarlariga naf keltirsa, yana kimdir esa behuda o‘tkazadi. Bugungi bozor iqti­sodiyoti sharoitida odamlar o‘rtasida vaqt tushunchasi muhim ahamiyat kasb etayotgani sezilayapti.

 

Bizning O‘zbekistonda yashash, ishlash va dam olish uchun barcha qulayliklar yaratilgan. Ko‘pgina korxonalarda besh kunlik ish haftasi joriy qilingan. Bu ishlovchilarning ikki kun dam olishlariga kafolat degani. Bu paytda istagan odam bo‘sh vaqtidan unumli foydalansa, ancha-muncha ishlarni uddalashi mumkin.

 

Vaqt haqida gap ketganda ayrimlar “...bu ayollarga unchalik ham tegishli emas”, de­yishadi. Aslida esa bu qarash noto‘g‘ri. Fransuz olimlarining ma'lumotlariga qaraganda, ikki bolali ayol har kuni 10 soatgacha tinim bilmas ekan. Ing­liz kinematografi uch bolali xotinining ertalabdan kechgacha bajargan ishlarini erinmasdan tasvirga olgan va film tasmasi aylanishini tezlashtirgan holda tomosha qilgan ekan. Ekranda taajjublanarli hodisa namoyon bo‘lgan: tasma tez aylanishi natijasida ayolning jismoniy mashq bajarayotganga o‘xshash harakatlari ko‘zga tashlangan. Unda ayol goh o‘tirar, turar, yurar, gohida chopar, turli narsalarni ko‘tarar, xullas, kechgacha tinim bilmagani tasvirga olingan. Demoqchi bo‘lganimiz, o‘sha ayol vaqtdan unumli foydalanish payi­da bo‘lgan.

• Vaqt

Bugungi kunda bir qarashda zaminning barcha puchmoqlari insoniyat uchun besh qo‘lday ayonga o‘xshaydi. Holbuki, hali Yer kurrasida biz bilmagan sir-sinoatlar shunchalik ko‘pki, ularning sanog‘iga yetish mushkul.

 

Xususan, yaqinda amerikalik geofiziklarning Tinch okeanining shimoliy-g‘arbiy hududlarida, aniqrog‘i, Yaponiyadan 1,5 ming kilometr uzoqlikda sayyoramizdagi eng ulkan vulqonni aniqlashgani shunday voqyea bo‘ldi. Uning kattaligini Buyuk Britaniya hududiga yoki Quyosh tizimidagi eng katta vulqon sanalgan Marsdagi tog‘ga qiyoslash mumkin.

 

Diametri 100 kilometrni tashkil etuvchi Gavayidagi Mauna-loa vulqoni shu kungacha Yer yuzidagi eng baland va katta vulqon hisoblanardi. Tamu deb nom olgan yangi vulqonning diametri esa 625 kilometr, ummon ostidagi balandligi 3,5 kilometrdan iborat. Shunisi ajablanarliki, Tamu tog‘ining ildizi Yer qatlamiga salkam 30 kilometr kirib ketgan. Qachonlardir faol bo‘lgan bu vulqon, mana, 140 million yildirki, jim turibdi.

• vulqon

 

 

Kecha AQShning Kaliforniya shtati, Kupertino shahrida bo‘lib o‘tgan taqdimot marosimida Apple kompaniyasi iPhone smartfonining yangi talqini — iPhone 5s’ni taqdim etdi. Bu haqda The Verge nashriga tayanib Daryo.uz nashri xabar beradi.

 

iPhone 5S smartfoniga 64-bitli Apple A7 protsessori o‘rnatilgan. Taqdimotda ta’kidlanishicha, iPhone 64-bitli protsessor yoramida ishlaydigan dunyodagi birinchi smartfondir.

• iphone
• Apple
• iphone 5s

Har bir ota-ona dunyoga kelgan farzandiga yaxshi ism qo’yishga oshiqadi.Ba’zi hollarda Ism – insonning bir umrlik hamrohiga aylanishi mumkin. U xoh qiz bolalar, xoh o‘g‘il bolalar ismi bo‘lsin, ham chiroyli, ham ma’noli bo‘lishi kerak. Kimdir noodatiy, kam uchraydigan, yana kimdir esa taniqli va ko‘p qo‘llaniladigan ism qo‘yishni xohlaydi.

 

Daryo.uz Factorname nashririga tayanib O‘zbekistonda eng ommabop ismlar ro‘yxatini ma’lum qildi. Nashr besh mingga yaqin yoshlarning (17 yoshdan 25 yoshgacha) ismlarini tahlil qilib chiqqanda, 200 dan ortiq turdagi ismlar ma’lum bo‘ldi. Ushbu ismlar ichida “Abdu”, “bek” va “jon” kabi qo‘shimchalar bilangina farqlanuvchi ismlar umumlashtirildi. Masalan, Sardor, Sardorbek, Mirsardor, Sardorjon ismlari Sardor ismi ostida birlashtirildi.

Marhamat, eng ommabop o‘g‘il bolalar ismlari 20 taligi bilan tanishing:

• ismlar
• o'zbek ismlari

Inson hayotida unutilmas onlar, yillarga tatigulik lahzalar ko‘p bo‘ladi. Oliy o‘quv yurti talabasi bo‘lish, ilk visol quvonchi, birinchi farzand tug‘ilishi, ota-onaning o‘g‘li yo qizi birinchi marta maoshini olib kelgandagi duosi kabilar shular jumlasidandir.

 

Shukrki, mening hayotimda ham bunday lahzalar ko‘p bo‘lgan. Ulardan eng muhimi, hech qachon  yoddan chiqmaydigani 1991 yil 31 avgustda Yo‘lboshchimiz Islom Karimov tomonidan O‘zbekiston davlat mustaqilligining e'lon qilinishidir. O‘shanda ushbu tarixiy qarorni butun dunyo ahliga e'lon qilar ekan, Prezidentimiz majlis ishtirokchilari — Oliy Kengash deputatlari — sessiya qatnashchilariga murojaat etib: “Nega qarsak chalmayapsizlar? Nima, qo‘rqib ketdilaringmi?” degan edi. Buni unutib bo‘ladimi!

 

Ha, haqiqatdan ham o‘sha kuni qo‘rqishga arziydigan, uncha-muncha odam uddalay olmaydigan buyuk tarixiy voqyea ro‘y bergan edi. Mustabid tuzum vallomatlarining “qovog‘idan qor yog‘ilib”, “qilichi qonsirab turgan” qaltis bir vaziyatda Islom Karimov O‘zbekiston mustaqilligini e'lon qilgan — tom ma'nodagi mardlik va jasorat namunasini ko‘rsatgan edi...

 

Mana, shunga ham yigirma ikki yil bo‘libdi. Bu davr mobaynida O‘zbekiston o‘z Prezidenti rahnamoligida murakkab va shonli mustaqil taraqqiyot yo‘lini bosib o‘tdi. Siyosiy istiqlol iqtisodiy mustaqillik bilan mustahkamlandi. o‘alla, yonilg‘i kabi hayotiy zarur mahsulotlar bilan o‘z ehtiyojlarimizni o‘zimiz ta'minlashga o‘tdik, energetika mustaqilligiga erishildi. Milliy avtosanoatimiz tashkil etildi. Bir so‘z bilan aytganda, chetga qaramlikning xar qanday ko‘rinishlariga barham berildi…

• Mustaqillik
• ijtimoiy-siyosiy hayot

Bugun hayotimizni axborot-kommunikatsiya texnologiyalarisiz tasavvur etib bo‘lmaydi. Jamiyatning barcha sohalari, qo‘yingki, taraqqiyotning zamonaviy bosqichlarida ushbu tarmoqning roli va ahamiyati tobora ortib borayotgani buning yorqin tasdig‘idir.

 

Binobarin, mamlakatimizda Istiqlolning ilk yillaridayoq axborot-kommunikatsiya texnologiyalarini har tomonlama ravnaq toptirish, uning huquqiy-tashkiliy hamda moddiy-texnik bazasini izchil takomillashtirishga alohida e’tibor qaratib kelinyapti. Ana shu tarixiy tamoyil asosida ilg‘or AKT salohiyati, yutuqlari, innovatsiyalari yurtimiz rivoji, xalqimiz turmush darajasini yanada yuksaltirish, odamlar dunyoqarashini o‘zgartirish, mamlakatimiz nufuzini jahonga yoyishga yo‘naltirilayotganini barchamiz his qilmoqdamiz.

 

Bu boradagi yaratib berilayotgan munosib shart-sharoitlar, imkoniyatlar sharofati o‘laroq, tarixan qisqa vaqt mobaynida respublikamiz o‘zining mustahkam axborot-kommunikatsiya texnologiyalari infratuzilmasi, jabhada malakali kadrlar tayyorlash tizimiga ega bo‘ldi.

• AKT

Milliy matbuot markazida Xalq ta'limi vazirligi tomonidan “Ta'lim muassasalarini o‘quv adabiyotlari bilan tizimli ravishda ta'minlash masalalari, dars jarayoniga axborot-kommunikatsiya va pedagogik texnologiyalarni keng joriy etish borasida belgilangan ustuvor yo‘nalishlar” mavzusida matbuot anjumani tashkil etildi.

• XTV
• Matbuot anjumani

Ўзбекистон Республикаси Олий ва ўрта махсус таълим, Халқ таълими ва Меҳнат ва аҳолини ижтимоий ҳимоя қилиш вазирликларининг қўшма Қарори билан ўқув машғулотларини ўтказиш учун тўланадиган тўловларнинг янги ҳажмлари белгиланди. Бу ҳақида тегишли вазирликларнинг махсус қарори қабул қилинди.

 

Унга мувофиқ, жорий йилинг 2 сентябридан бошлаб, олий, ўрта махсус, касб таълими ва илмий-тадқиқот муассасалари, қайта тайёрлов ва малака ошириш муассасалари, ўқув курслари, шунингдек, умумтаълим мактаблари педагогик ходимларининг соатбай тўлов ҳажмлари 15 фоизга оширилди.

Norma.uz маълумотига кўра, Фанлар Академияси академикларининг ҳам соатбай тўлов ҳақлари 15% оширилди. Танловлар жюри аъзолари, шунингдек, конкурс ишлари тақризчилари менатларига ҳақ тўлашда ОЎЮ талабалари билан ўқув машғулотлари ўтказиш учун кўзда тутилган соатбай тўлов ҳажмлари қўлланилади.

 

Соатбай тўлов ҳажмлари академик соатдан келиб чиққан ҳолда белгиланган.

 

Манба

Битим ҳажми 7.2 млрд. долларни ташкил қилди.

Машҳур Nokia компанияси ўзининг мобиль телефонлар ишлаб чиқариш ва хизматлар билан шуғулланувчи бўлимларини Microsoft компаниясига 7.2 млрд. долларга сотиш ҳақида келишувни эълон қилди.

 

Nokia тарқатган пресс-релизда айтилишича, фин компаниясининг жами патентлари, бренди, мобиль қурилмалар билан боғлиқ  технологиялари ҳам Microsoft ихтиёрига ўтади. Эндиликда Nokia Nokia Siemens Network, Nokia HERE каби йўналишлар билан шуғулланади.

 

Шартнома 2014 йилнинг биринчи чорагида якунланиши кутилмоқда. Эслатиб ўтамиз, 2010 йилда Nokia ва Мicrosoft ўртасида стратегик ҳамкорлик ҳақида келишув имзоланган эди. Ҳозирда Nokiaнинг аксар смартфонларига Microsoft томонидан ишлаб чиқилган Windows Phone операцион тизими ўрнатилган. 

Бугун пойтахтимиздаги Миллий матбуот Марказида Халқ таълими вазирлининг “Янги ўқув йили муносабати билан оммавий ахборот воситалари учун” БРИФИНГИ бўлиб ўтди.

 

Брифингда Халқ таълими вазири, вазир ўринбосарлари, бошқарма ва бўлим бошлиқлари ҳамда журналистлар иштирок этишди.

 

Брифингни Халқ таълими вазири Иноятов Улуғбек Илясович очиб берди ҳамда халқ таълими тизимида эришилаётган ютуқлар ҳақида маълумот бериб ўтди.

• ХТВ

Бугунги кунда ёшларга интернетнинг аксарият сайтларида ёритилиб борилаётган хизмат турлари шу қадар ривожланиб бормоқдаки, ахборот алмашинув жараёнида интернетга кирган ҳар қандай  инсонни ўз оламига чорлайди. Шу туфайли ҳозирги кунда интернетдаги ахборот ҳуружларининг таъсири каттадир.

 

Интернет нашрларидаги ахборот таъсир доираси кенгайиб, глобаллашув жараёниларида аксарият ёшларга хизмат қилаётгани бежиз эмас. Ахборот асрида гегемон мамлакатлар ёшларнинг онгини бузиш, давлатнинг миллий қадриятларни қоралаш ва шунингдек, ахборот асрида ахборотдан қурол сифатида фойдаланиб келмоқдалар. Жумладан, интернет сайтларида ғайримиллий андозадаги кўрсатувлар, видеороликлар ва бошқа маълумотлар чоп этилмоқда.

 

Бу билан бугунги тараққиёт жараёнида ёшларнинг интернетдаги нашрлардан фойдаланишни таъқиқламоқчи эмасман. Аксарият веб-сайтдаги турли босқинчли руҳдаги ахборотларнинг олдини олиш, яъни ўз миллий доменимизда миллий қадриятлар, тарихимиздаги ютуқларни ва ота-боболаримизнинг фаолиятини кўпроқ ёритишимиз керак деб ўйлайман. Бу ҳақида юртбошимизнинг “Тарихий хотирасиз келажак йўқ” деб номланган фикри яққол мисол бўла олади.

• ZiyoNET

 Фарзанд оила қувончи, бойлиги, ота-она суянчи. Болаларнинг керакли шахс  бўлиб вояга етишида нафақат оиланинг балки, ён-атрофдагиларнинг ҳам ўрни бор. Масалан, эьтибор беринг, бир хил ёшдаги мактабгача таьлим муассасасига борадиган ва уйда тарбия кўрадиган  болаларни солиштирамиз, орасида ер билан осмон қадар фарқ- тафовут мавжуд. Сабаби, бола МТМда атрофдаги  тенгдошлари билан суҳбатлашади, ўйнайди, фикр алмашади. Қолаверса, бунинг натижасида бола жамиятда одамлар орасига қўшилишни ўрганади. Уйда вояга етаётган бола эса бунинг тамоман акси. Одамлардан бегонасираб ўзини олиб қочадиган бўлиб қолади.

 

Эрталаб кўчада кетаётиб жажжи болакайнинг –ойижон боғчага бормайман, нима десангиз айтганингизни қиламан, фақат бормаймайин дея хархаша қилаётганини гувоҳи бўлдим. Сиз ҳам бундай вазиятларга  кўп дуч келгансиз. Хўш нима учун болалар МТМ боришни истамайди ёки бориши шартми?

 

Ушбу савол билан юртдошларимизга мурожаат қилдик:

 

Лочин Авазов, тадбиркор: — Ўзим ҳам бола вақтим боғчага боришни ёмон кўрардим.Ҳатто ойимни орқасидан сездирмай қочиб келганларим  эсимда. Ҳозир фарзандларимни  ҳам  боғчага олиб бориш жуда қийин, муаммо десам ҳам бўлади. Бугун болаларнинг боғчага боришларини тарафдориман, уйда бола жамиятдан  узилиб қолади. Боғчаларимиз барча талабларга жавоб бермасада, ҳар ҳил ўйинлар ва тадбирлар болага  ижобий таьсир кўрсатмай қолмайди назаримда.

• Бола тарбияси

Farg‘ona neftni qayta ishlash zavodiga qarashli sog‘lomlashtirish markazida “Obod turmush yili” Davlat dasturi doirasida yosh jurnalistlar uchun “Yoshlar media oromgohi” tashkil etildi.

 

“O‘zbekiston madaniyati va san’ati forumi” jamg‘armasi, “Kelajak ovozi” yoshlar tashabbuslari markazi hamda Farg‘ona viloyati hokimligi hamkorligida tashkil etilgan oromgohda mamlakatimiz oliy o‘quv yurtlarida faoliyat yuritayotgan “Kelajak ovozi” markazi mutaxassislari, yosh jurnalistlar ishtirok etmoqda.

 

– Bu kabi o‘quv oromgohlari biz yoshlar uchun katta imkoniyat, – deydi “Kelajak ovozi” faoli Zarnigor Omonullayeva. – Tashkil etilayotgan mashg‘ulotlarda jurnalistikaning o‘ziga xos qirralarini egallash va mahoratimizni oshirish borasida muayyan malaka va ko‘nikmaga ega bo‘lmoqdamiz.

 

Media forum davomida yoshlar internet jurnalistikasi hamda milliy internet segmentini rivojlantirish yuzasidan o‘z g‘oya va takliflarini berishmoqda. O‘quv-seminarda nazariy hamda amaliy darslar o‘tkazilib, ularga professional jurnalistlar jalb etilgan.

 

Ishtirokchilar Farg‘ona viloyatining turli joylarida amaliy mashg‘ulotlar olib bormoqda. Tayyorlanayotgan reportaj, lavha, xabar va boshqa janrdagi mahsulotlar taqdimot ko‘rinishida barcha o‘quv-seminar ishtirokchilariga namoyish etilib, yutuq va kamchiliklari muhokama qilinmoqda.

 

 Manba

– Sen juda qutlug‘ yilda dunyoga kelgansan, – deydilar bobom har gal meni duo qila turib. – 1991-yili Vatanimiz mustaqillikka, xalqimiz ozodlikka erishgan yil.

 

Maktabni a’lo baholar bilan tugatib, o‘zim tanlagan kasbni puxta egallash, ozod Vatanimiz salohiyatini yanada yuksaltirish ishiga munosib hissa qo‘shish niyatini dilimga tugdim. Farg‘ona davlat universitetining filologiya fakultetiga o‘qishga qabul qilindim. Barcha fanlarni a’lo baholarga o‘zlashtirishga, jamoat ishlarida faol qatnashishga harakat qildim.

 

“O‘zbekiston madaniyati va san’ati forumi”, “Mehr nuri” jamg‘armalarining “Ta’lim grantlari dasturi”da ishtirok etib, g‘oliblikni qo‘lga kiritdim. Joriy yilda esa “Kelajak ovozi” tanlovining adabiyot va publitsistika yo‘nalishida viloyat bosqichi g‘olibi bo‘ldim. Ayni paytda mamlakat miqyosida o‘tkaziladigan turli tadbirlarda faol ishtirok etib kelmoqdaman. Bo‘sh vaqtlarimda stol tennisi va basketbol seksiyalariga qatnayman. Ingliz tilini puxta o‘zlashtirmoqdaman.

 

Bobom aytganlaridek, biz, istiqlol farzandlari baxtli avlodmiz. Yoshlarning jahon andozalari darajasida ta’lim olishi, o‘z tanlagan kasbi bo‘yicha yuksak cho‘qqilarni zabt etishi uchun barcha sharoit va imkoniyatlar yaratilgan.

 

Iqtidorli yoshlarni izlab topish, ularga o‘z iste’dodini ro‘yobga chiqarishda har tomonlama ko‘maklashish davlatimiz rahbarining doimiy e’tiborida.

Men O‘zbekistondek ozod va obod Vatanda o‘sib ulg‘ayayotganimdan, Yurtboshimizning g‘amxo‘rligidan bahramand bo‘layotganimdan faxrlanaman. Bunday doimiy g‘amxo‘rlikka javoban Vatanimiz ravnaqiga munosib hissa qo‘shishni o‘zimning farzandlik burchim, deb bilaman.

 

Manba